মহেন্দ্ৰ বৰা

ৰিং মাৰি পঠিয়ালোঁ পথাৰখনৰ ওপৰেদি
নিলগলৈ
চকুৱে ঢুকি নোপোৱা দিগন্তৰ সিপাৰলৈ
উভতি নাহিল কোনো প্ৰতিধ্বনিৰ সঁহাৰি

কাঠৰ খোলনিৰে সজা ম’হৰ ডিঙিৰ টিলিঙা
উৰুঙা শব্দবিলাক যাৰ
ওপঙি উঠিছে
নিস্তব্ধ গধূলি পথাৰখনৰ স্থিৰ শূন্যতাত

যেন কোন কাহানিবাৰে এটা পুৰণি হাতবাউল
কঁপি কঁপি নাচি
দলঘাঁহ নৰা পিতনিৰ ওপৰেদি
বিয়পি পৰিছে আকাশৰ পৰা আকাশলৈ

পাছ ল’বৰ মন যায় সেই সৰু সুহুৰিটোৰ
কুঁৱলীডৰাৰ সিপাৰৰ পৰা যিটোৱে চিঁ-চিঁ-কৈ
মাতি আছে মোক গোটেই দিনটো
নিলগলৈ

Click here to read an English translation of the poem

ড^੦ মহেন্দ্ৰ বৰা (জ.২২.੦৮.১৯২৯-মৃ.੦৯.੦৪.১৯৯৬) এগৰাকী বিশিষ্ট অসমীয়া কবি, সাহিত্য সমালোচক আৰু অনুবাদক।