লুইতৰ আকাশত

জ্যোতিপ্ৰসাদ আগৰৱালা

লুইতৰ আকাশত তৰাৰ তৰাৱলী
     পাৰত দীপাৱলী তেজৰে মোৰ--
আই নাকান্দিবি,
     থাপনাত তেজেৰে বন্তি দিলেহি
     ল'ৰা-ছোৱালীয়ে তোৰ।

লাচিতৰ দিনৰে জ্বলা জুয়েকুৰা
     আই অ' নুমুৱা নাই,
নতুন তেজেৰে শলিতা জ্বলিছে
     উজলিছে ভমকাই।

চকুলো বোৱাই জুই নুনুমাবি
     গুচকে আন্ধাৰে ঘোৰ--
লুইতৰ আকাশত তৰাৰ তৰাৱলী
     পাৰত দীপাৱলী তেজৰে মোৰ।

…………………………
+ 'লভিতা', ৫ম অংক-৪ৰ্থ দৰ্শন, চপলা বুক ষ্টল, শ্বিলং, ১৯৪৮, পৃ. ৯৯-১০০

Click here to read an English translation of the poem.

Leave a Reply

Your email address will not be published. Required fields are marked *